Құқықбұзушылықтың, ойынқұмарлықтың, булингтің, әлімжеттіктің алдын алу мақсатында ақпараттық түсіндірме жұмыстары жүргізу

Құқықбұзушылықтың, ойынқұмарлықтың, булингтің, әлімжеттіктің алдын алу мақсатында ақпараттық түсіндірме жұмыстары жүргізу, құқық қорғау органдарының қызметкерімен кездесу өткізу.Мақсаты: оқушылардың құқықтық сауаттылығын арттырып, құқық бұзушылық және қылмыс белгілерімен, түрлерімен таныстыру, жасөспірімдердің құқықтары мен міндеттерімен таныстыру. Қоғамның заңдары мен нормаларын орындауға, құқықтары біліп оны құрметтеуге тәрбиелеу.
        А.Навои атындағы №11 жалпы орта білім беретін мектебінің тәрбие жұмысының жоспарына сай 2023 жылдың 10 наурызында     ДТЖЖО И.Ли.,  З.Тұрымбет, А.Мусапирова, мектеп психологтары Жұмабай А., Айдарова Р., мектеп инспекторы Е.Жұманов 6-7  сынып оқушыларымен құқықбұзушылықтың, ойынқұмарлықтың, булингтің, әлімжеттіктің алдын алу мақсатында ақпараттық түсіндірме жұмыстары жүргізілді. 
Құқық қорғау органдарының қызметкерімен кездесу өткізу барысында өзімен бірге мектепке әкелуге және өзімен бірге алып жүруге тыйым салынған суық қару, түрлі химиялық-синтетикалық заттар және электронды темекілердің  бар-жоғы тексерілді. Құқық бұзушылық туралы, кәмелетке толмаған жасөспірімдердің қылмыстық жауапкершілігін алдын алу бойынша, сондай-ақ жастар арасында болып жатқан қылмыстың түрлі мәселелеріне тоқталды. Қазіргі таңда жастар арасында, әсіресе кәмелетке толмаған жасөспірімдердің қылмыстық жауапкершілігі жөнінде мектептерге, колледждерге, жалпы оқу орындарына барып, профилактикалық түсіндіру жұмыстары жүргізіліп жатқандығын, оның ішінде кәмелетке толмаған жасөспірімдердің түнгі сағат 22:00 де ойын сауықтарда отыруы, сондай ақ түнгі сағат 23:00 ден кейін көшеде жүруге болмайтынын, түнде жүрген кезде бірінші ескерту беріліп, сосын айыппұл салынатындығын, егерде осы аталғандар орындалмаған жағдайда есепке алынатынын айтты. Заңды, әлеуметтік пайдалы қызметке және қоғам мен өмірге ізгілікті көзқарас қалыптастырып, жастардың қылмыстық қызметке жол бермейтін қағидаларға тәрбиелеу қажетті екендігін атап өтті.