МЕКТЕПІШІЛІК АТА-АНАЛАР ЖИНАЛЫСЫ

"Зорлық зомбылыққа қарсы 16 күн белсенділік" 

ЖАЛПЫ МЕКТЕПІШІЛІК АТА-АНАЛАР ЖИНАЛЫСЫ ӨТКІЗІЛДІ

 Шымкент қаласы білім басқармасына қарасты А.Навои атындағы №11 жалпы орта білім беретін мектебінде «Біртұтас тәрбие» бағдарламасы аясында «Зорлық - зомбылықсы 16 күн белсенділік» республикалық акциясын жүзеге асыру мақсатында  жасөспірімдер арасында құқықбұзушылық, әлімжеттік, ерте жүктілік, өз-өзіне қол жұмсаудың зияндығын насихаттау, тұрмыстық зорлық-зомбылықтың алдын алу және қоғамда отбасының рөлін нығайту, зорлық-зомбылықтың жолын кесу, зорлық - зомбылық жасауға бейімді адамдармен жеке профилактикалық жұмысты жүзеге асыру аясында 2024 жылдың 25 қараша мен 10 желтоқсан күндері аралығында  «Зорлық – зомбылыққа қарсы 16 күн белсенділік» республикалық акциясын жүзеге асыру аясында 5 желтоқсан күні мектеп директорының тәрбие ісі жөніндегі орынбасарлары Б.Н.Пралиева мен М.А.Примкулованың ұйымдастыруымен, 1-11 сынып жалпы ата-аналар жиналысы өткізілді. 

 Күн тәртібінде 4 мәселе қаралды. Бірінші мәселе «Отбасы құндылығы - басты нысана» тақырыбы бойынша ата-аналар комитетінің төрайымы Венера ханым хабарлама жасаса, екінші мәселемен «Зорлық –зомбылықтың алдын алу», кәмелетке толмағандар арасындағы және оларға қарсы жасалатын қылмыстардың алдын алу, соның ішінде жасөспірімдер арасындағы бұзақылық, қорқытып алушылық, ойын құмарлық (лудомания), әлімжеттік, нашақорлық қылмыстардың алдын алу, пиротехникалық заттарды қолданудың себеп салдары тақырыбы бойынша Әл-Фараби АПБ аға инспекторы полиция майоры Рахимов Н.Д. баяндады.

 «Денсаулық және бала тәрбиесі» тақырыбында №8 қалалық емхананың гинекологы - Алиева М, социологы - Тастанбекова Г, психологы  - Курманалиева Ж, педиатры - Мавланова Н ерте жүктіліктің алддын алу, өз-өзіне қол жұмсаудың зияндығын насихаттау және суицидтің алдын алу бойынша айтып өтті.

 «Лудомания – ғасыр дерті» тақырыбында мектеп ДТЖЖО Пралиева Б.Н. баяндама оқыды, тақырып бойынша бейнеролик көрсетілді.  Мектеп  психологы – Айдарова Р.И. әрбір ата-анадан сауалнама алды. 

 Қорыта келе әрбір ата-ана өз баласының тәртібі мен тәрбиесіне аса мән беріп, бос уақытта немен айналысатынына қатаң бақылау жасалып отырса, жасөспірімдер арасында болатын құқықбұзушылық пен қылмыстың болмауына көп септігін тигізер бірден бір себеп болатын еді.

 Нақты айтсақ, құқықтық білім беру арқылы жасөспірім құқықтың не екенін ұғынады және оның санасы қалыптасып, дамиды. Құқықты ұғынумен қоса, тұлғаны заңды құрметтеуге, қорғауға, орындауға дағдыландыру мен заңның әділдігіне сендіру - құқықтық сананың негізгі белгілері болып табылады.

 Келешек ғұмырымызды жалғастырар ұрпағымыздың тәрбиесімен осы кезден бастап айналысып, жасөспірімдеріміздің болашағына дұрыс бағдар беріп рухани жан-дүниесін байытып, «елім, жұртым» – деп тұратын азамат тәрбиелеу – барлығымызға бірдей жүктелген міндет деп қабылдауымыз керек.