Дін және мектеп

Жастардың діни танымдығын арттыру мақсатында мектеп оқушыларымен кездесу өткізілді

Жастар ресурстық орталығының ұйымдастыруымен жастардың діни танымдығын арттыру мақсатында кездесу өткізілді. Іс-шараға Шымкент қаласының дін істері басқармасы «Дін мәселелерін зерттеу орталығы коммуналдық мемлекеттік мекемесінің теолог маманы Тілеухан Бағдәулет келді. Жалпы жиынға А.Навои атындағы №11 жалпы орта білім беретін мектебінің 9, 10 және 11 сынып оқушылары қатысты. Шараның мақсаты: Жастарға діни ағымдардан сақтану туралы терең түсінік беру. Жасөспірімдерге бейбітшіліктің маңызын және мейірімділік пен ізгіліктің, адамдарға жақсылық жасай білудің өмірдегі басты ұстанымы екенін түсіндіру. Сондай-ақ отансүйгіштік тәрбиелеу кереғар діни ағымдардың алдын алу. 

Кездесу барысында сала мамандары жастарға отанды сүю иманнан екенін және жастарға түрлі кереғар діни ағымдардан сақтану жолдары, тәлім-тәрбиелілік, біліктілік, ата-ананы құрметту сынды тақырыптар төңірегінде сөз қозғап жастар көкейіндегі сұрақтарына жауап алды. Сондай-ақ әлеуметтік желілерге (инстаграм, фейсбук, телеграм, ватцап) келген ақпараттарды лайк, комментария және теріс діни ағымдағы фото-видеоларды таратпауға кеңес берді.