Жалпыға міндетті оқу қорынан берілетін көмек түрлері

                 Жалпыға міндетті оқу қорынан берілетін көмек түрлері 

1. Жалпыға міндетті оқу қорынан  көрсетілетін көмек түрлері:

- Күніне бір рет ыстық тамақпен қамтамасыз ету.

- Мектеп формасы, мектепке қажетті құрал-саймандар, оқу құралдары (дәптер, қаламсап, т.б.) алу үшін қаржылай көмек беру.

- Жаздық сауықтыру орындарына (лагерлерге ) кезекпен  жолдама   беруді ұйымдастыру.

- Мерекелік іс-шараларға  қатысуға мүмкіндік беру.

2. Жалпыға міндетті оқу қорынан көмекті келесі санаттағы адамдар ала алады:
     - Мемлекеттік атаулы әлеуметтік көмек алуға құқығы бар отбасылардан шыққан балалар.
     - Мемлекеттік атаулы әлеуметтік көмек алмайтын, жан басына шаққандағы табысы ең төменгі күнкөріс деңгейінің шамасынан төмен отбасыларынан шыққан балалар.

    - Жетім балалар, ата-анасының қамқорлығынсыз қалып, қамқорлыққа алынған отбасыларда тұратын балалар;
    - Төтенше жағдайға тап болғандықтан шұғыл көмек керек отбасы балаларына.
 Егер, жоғарыда көрсетілген санаттарға кірмей, бірақ көмекке мұқтаж болсаңыз, онда Сіз мектепке барып өтініш қалдыруыңызға болады. Оны білім беру ұйымының алқалы басқару органы қарастырып, шешім қабылдайды.
 Көпбалалы отбасыдан шыққан балалар жоғарыда аталған санатқа кірсе ғана осы көмекті ала алады.

3. Қаржылай көмек келесі жағдайда беріледі:
     - ҚР "Білім туралы" Заңының 49-бабына, ҚР Үкіметінің №64 қаулысындағы жалпыға міндетті оқу қорына бөлінген қаржыны жұмсау міндеті ата-анаға емес, мектеп басшылығы мен қаржы қызметіне жүктелген. Сондықтан, әр мектеп берілген қаражатты ата-ананың қалдырған өтінішіне сай балаларды қажет нәрселерімен қамтамасыз етеді.
 Ескерту. Жалпыға міндетті оқу қорынан берілетін көмекті алу үшін ата-ана әлеуметтік педагогқа келіп, өтініш жазуы тиіс.
 4. Жан басына шаққанда ең төменгі күнкөріс деңгейіндегі  отбасы екенін анықтау үшін келесі құжат  тапсыру керек?

- Өтініш.

- Отбасы мүшелерінің тапқан табысы туралы мәлімет.

- Балалардың туу туралы куәліктері (анықтау үшін).

- Тұрғын -тұрмыстық жайы туралы акті т.б.

Қабылданған  құжат мектептің комиссиясына жіберіледі.
 Ескерту: қажет құжаттарды  жыл бойы жаңартып тұру  керек, себебі кейбір анықтамалардың  мезгілі жыл ішінде жарамсыз болып қалады.
 5. Көмек көрсетілетін уақыты:
       - Күніне бір рет ыстық тамақпен қамтылуы жылдың қыркүйек – желтоқсан айларында бірінші лек,  қаңтар –мамыр айларында екінші лек  бойынша көрсетіледі.
       - Жазғы сауықтандыру орнына ( лагерлерге)  жолдамамен жазғы маусымында қамтылады.
      - Мектеп формасы,  мектепке қажетті құрал-саймандар, оқу құралдары (дәптер, қаламсап т.б.) алу үшін қаржылай көмек тамыз, ақпан  айларында беріледі
 Мерекелік іс-шараларға қатысуға мүмкіндік  беріледі:  Жаңа жыл, Балалар күні.