Ашық сабақ

Қазақ тілі мен әдебиеті бірлестігінің апталық жоспарына сәйкес пән мұғалімі Л.Ж.Камбарова қазақ әдебиеті пәнінен 5 “А” сынып оқушыларына ашық сабақ өтті.

Сабақтың тақырыбы: 

Ыбырай Алтынсариннің “Атымтай Жомарт” әңгімесі

Сабақтың мақсаты:

Әңгімені оқыта отырып, оқушыларды адамгершілікке, қанағатшыл, сыпайы болуға тәрбиелеу. Әңгімедегі әдеби-теориялық ұғымдарды білу, жазушы шеберлігін аңғару. Шығарманың тәрбиелік мәні мен көркемдік ерекшелігіне мән беру.

Сабақ барысында “ Біртұтас тәрбие” бағдарламасы негізінде құндылыққа баули отырып, оқушыларға әділдік-жауапкершілік қасиеттің көрінісін “Атымтай Жомарт” әңгімесімен байланыстырды. Оқушылардың құнды пікірлерін топтық, жұптық жұмыстарында талқылап, Қазіргі заманда Атымтай Жомарт секілді адамдар кездеседі ме? Кейіпкердің орнында болсаң, сен не істер едің?-деген сұрақтарға жауап беру арқылы, өмірмен байланыстыра отырып, оқушылар өз ойларымен бөлісті. 

Сабақ соңында “Бес саусақ” әдісі арқылы кері байланыс беріліп, “Мен қандаймын?”-деген сұрақ арқылы қатысушылар арасында тренинг өтілді.

Ы.Алтынсариннің кез келген әңгімелері келешек ұрпаққа үлгі боларлықтай тәрбиенің қайнар көзі екендігі сөзсіз.