Ата-аналарды педагогикалық қолдау орталығы

Ата-аналарды педагогикалық қолдау орталығының кезекті отырысы. 

5-9 сынып оқушыларының ата-аналарымен кездесу ұйымдастырып, жоспар бойынша өткізілген іс-шарада түсіндірме жұмыстарын жүргізген орталық жетекшісі Жорабекова Насима. 

Отбасы – қоғамның негізі, ал ата-ана – сол отбасының тірегі. Олар балаларын адалдыққа, жауапкершілікке және құрметке үйретеді. Тәрбиенің арқасында бала қоғамға пайдалы азамат болып өседі. Ата-ананың үлгісі мен кеңестері баланың мінез-құлқына және дүниетанымына үлкен әсер етеді.

Ата-ананың рөлі тек балаға ғана емес, жалпы қоғамның дамуына да әсер етеді. Құндылықтары жоғары отбасылар қоғамның тұрақтылығына және болашағына үлес қосады. Сондықтан ата-ананың маңызы ерекше. Олар арқылы ұрпақтан ұрпаққа мәдениет пен дәстүрлер сақталып, жалғасын табады.