Ата-аналарды педагогикалық қолдау

Ата - аналарды педагогикалық қодау орталығының кезекті отырысы. 

Тақырыбы: Үйден тыс тамақтану

Жиналыстың мақсаты: Үйден тыс тамақтанудың балалардың денсаулығына әсері мен оның алдын алу шараларын талқылау.

Үйден тыс тамақтанудың әсері туралы баяндама. Мектеп медбикесі Эргашева Ш. үйден тыс тамақтанудың балалардың асқазан-ішек жүйесіне, иммунитетіне және психоэмоционалдық жағдайына тигізетін әсерлерін айтып өтті. Атап айтқанда, қантты, майлы және тұзды тағамдардың жиі тұтынуы денсаулыққа зиян екенін, сонымен қатар санитарлық талаптардың сақталмауы инфекциялық аурулардың көбеюіне алып келетінін түсіндірді.

Балаларға дұрыс тамақтану тәртібін қалыптастыру туралы ұсыныстар. Сынып жетекші үйден тыс тамақтанудың алдын алу үшін ата-аналар мен мектеп арасындағы өзара әрекеттестіктің маңыздылығын атап өтіп, балаларға үйде дайындалған, сапалы әрі пайдалы тағамдарды ұсынуды ұсынды. Сонымен қатар, мектеп асханасының тағамдарының сапасын бақылау бойынша ұсыныстар жасалды.

Ата-аналардың пікірлері мен ұсыныстары  

Ата-аналар өз пікірлерін білдіріп, үйден тыс тамақтануды шектеу үшін мектеп асханасында пайдалы әрі қоректік тағамдардың санын көбейту қажет екенін айтты. Сонымен қатар, кейбір ата-аналар балаларға дұрыс тамақтануды үйрету мақсатында арнайы оқу бағдарламалары немесе тренингтер өткізуді ұсынды.

Жиналыс барысында үйден тыс тамақтанудың балаларға әсері мен оның алдын алу жолдары талқыланып, ата-аналар мен мектеп арасындағы ынтымақтастықты нығайту қажеттігі айтылды. Ата-аналар өз тараптарынан балалардың дұрыс тамақтануына көбірек назар аударатынын білдірді.